سوق الحب بالدمام

سوق الحب بالدمام موجود بالقرب من الأماره اذا انت جاي من الحياة بلازا متجه الى الكورنيش

تصادفك أشاره تحت الكبري طريق الملك عبد العزيز تأخذ يسار وتمشى حتى يصادفك دوار وتتتركه وتواصل لما تصادفك

أشاره وتواصل مسافة 500 متر سوف تشاهد مبنى الشرطه يسارك وشارع سوق الحب على يمينك .

وانت جاي من طريق الامير محمد بن فهد سوف تصادفك أشاره وعلى يسارك حديقه تأخذ يسارك وتواصل

لما تصادفك أشاره تأخذ يسار سوف تشاهد السوق على يمينك .




دمت بود

ياهلا ومرحبا فيك اخوي وحياك الله
معذرة تو نشوف الموضوع شكله كان بقسم اخر وتم نقله الى هنا

سوق الحب سوق عام وشامل لكل شي للرجال والنساء والاطفال والذهب والعطور والاواني المنزلية والكماليات وهو سوق اغلبه للجمله واسعاره رخيصه

موقعه يعني لو بوصفه لك من الخبر وانت واقف عند اشارة بلدية الخبر تطلع يسار وتجيك اشارتين ونفق وتواصل بعدها 15 كلم لين تكون دخلت الدمام, طبعأ بيكون اجباري تاخذ يمين لان قدامك مسكر الطريق فيه مشروع نفق وتاخذ يمين معاه وتجيك اشاره تطلع يسار, ثم تقاطع تاخذ معاه يمين وتواصل سيدا لين يجيك شارع اسمه شارع الملك سعود , مع هالشارع تاخذ يسار الي هو بالزاوية بتشوف ( بنده) وتواصل مع هالشارع لين يصير الشارع سيد واحد , هنا بتحصل عاد على يمينك سوق الذهب وسوق الملابس والاقمشة والاواني المنزلية, ويسارك بيكون سوق العطور شارع كامل يمينك ويسارك فيه حول 100 محل للعطور